Urtarrilaren 17a aspaldi itxarondako eguna izan zen Pablo Altunarentzat, Irungo Udalean lan-esperientzia berri bat hasi zuelako bulegoko laguntzaile gisa.

Irungo Udala Pauso Berriak (Atzegi + Gureak) programarekin elkarlanean aritu izan da 2010ean sortu zenetik, urte guzti hauetan hainbat pertsonei lanerako aukera emanez. Gaur egun, Pabloren esperientzia honakoei batuko zaie:

• Itxasne Echegaray (Irungo Udal Kontserbatorioa eta Musika Eskola )
• Haizea Garcia (Gizarte Zerbitzuen saila)
• Iker Galarza (Kultur Etxea – Carlos Blanco Aguinaga liburutegia)

Hemendik aurrera, Pablo Altunak Irungo Udaleko Erosketa eta Erregistro sailetan lagunduko du. Bertan hainbat lan egingo ditu:

• Udaleko sail ezberdinen artean gutuneria bildu eta banatzea.
• COVID prebentziorako materialaren eskaerak prestatzea.
• Youtube-ko kanalean, osoko bilkuren emisioak gainbegiratu eta kontrolatzea.
• Uniforme banaketa.
• Etab.

Pablok ilusio eta energia handiz heldu dio esperientzia honi, ikasteko eta lan egiteko gogotsu dagoelarik.

Zorte on etapa berri honetan Pablo!

Irungo Udalak Pauso Berriak (Atzegi + Gureak) programarekin izan duen lankidetza eskertu eta nabarmendu nahi dugu, baita Atzegi eta Gureak erakundeen beste esparruetako proiektu eta jarduerekin izan duen lankidetza ere.

Eskerrik asko inklusioaren alde egiteagatik!