Hiru hilabetez Arizmendi Ikastolan praktikak egin ondoren, Brianek gogo eta ilusio handiz jarraitzen du, eta taldeko kide da, hainbat sailetan kolaboratzen du eta hainbat laguntza-lan egiten ditu.
Pauso Berriak (Atzegi + Gureak) programa osatu ondoren hasi zuen esperientzia berri hau Brianek.

• Mantentze-lanen arloan, beharrak asetzeaz arduratzen da, eskariaren arabera: materiala kargatzea eta garraiatzea, langileei hainbat instalaziotako zereginetan laguntzea...
• Almen eta Arimazubi ikastetxeetan administrazio- eta idazkaritza-lanak egiten ditu, hala nola jantokiko ikasleen zerrenda sortzea, artxiboak/espedienteak ordenatu eta biltegiratzea, eskola-materiala plastifikatzea eta biltegiko materiala ordenatzea.
• Aisialdian eta jantokian ere monitore lanak egiten ditu, mahaia jarriz eta ikasleen beharrei erantzunez, oilategiaren esparrua eta konpostajea zaintzeaz gain.

Pauso Berriak Programatik (Atzegi + Gureak), eskerrak eman nahi dizkiogu Arizmendi Ikastolari bere gertutasunagatik, inplikazioagatik eta Briani lan munduan sartzeko aukera polit hau emateagatik